A' toirt thugaibh na naidheachdan LGDT+ as ùire

Litir homafòbach air a chur gu bùth cèice

2019-09-24

1 mion.

Bha iongnadh air luchd-obrach aig bùth cèice ann am Baile Udain Diardaoin as dèidh dhaibh litir homafòbach fhaighinn tron phost.

Chaidh an litir, a ghabhas a leughadh gu h-ìseal, a chur gun ainm dhan bhùth https://specialdayscakes.com/.

Litir homafòbach a chaidh a chur gu Special Days Cakes

‘S ann le Mìcheal Burns agus Steafan Whyteside a tha am bùth.

Thuirt Mìcheal ri Pink Saltire:

“Cha do smaoinich sinn airson diog gun d’ thàinig an litir bho chliant sam bith againn, ach is dòcha bho chuideigin a bha airson ar nàrachadh air sgàth ‘s gu bheil sinn co-sheòrsach. Tha sinn air a bhith còmhla fad ochd bliadhna deug agus ‘s e seo an 10mh ceann-bliadhna pòsaidh againn san Dùbhlachd, ach chan fhaca sinn dad mar seo a-riamh. Bha mi a’ smaointinn gur e rud a thachair san àm a dh’fhalbh a bh’ ann an gràin na co-sheòrsachd ach chaidh mo chur ann an tuaineal le seo an-diugh.”

Chaidh aithris air na thachair a thoirt do Phoileas Alba a bhios ga làimhseachadh mar eucoir-gràin.

Ma tha sibh airson barrachd leughadh mun sgeulachd seo tadhalaibh air làrach-lìn Pink Saltire: Scottish business owners receive targeted homophobic hate mail.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.