A' toirt thugaibh na naidheachdan LGDT+ as ùire

Prògram aithriseach ùr a’ soillseachadh beathannan banrighrean-draga Ghlaschu

2019-04-16

1 mion.

Thèid prògram aithriseach ùr a shealltainn air BBC Scotland a-nochd (10f) a bheireas sùil air beathannan triùir banrighrean-draga ann an Glaschu.

Bidh am prògram a’ leantainn Barbara Le Bush fhad ‘s a tha i ag ullachadh airson Fèis-pròise Eilean Bhòid 2018, banrigh-draga Instagram Lawrence Chaney, agus Voss, caideat sa chabhlach mharsanta a tha dìreach air drag a thòiseachadh.

Tha fèill mhòr air drag an-dràsta le prògraman eile a leithid Ru Paul’s Drag Race ga thoirt ri ginealach ùr agus tha am prògram ag amas air coimhearsnachd drag Ghlaschu a shoillseachadh.

Faodar Mother Tuckers: Drag Queens of Glaschu fhaicinn air an t-sianal ùr BBC Scotland aig 10f oidhche Mhàirt.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.