A' toirt thugaibh na naidheachdan LGDT+ as ùire

Moladh gus leigeil le clann Albannach gnè atharrachadh air an teisteanas breith aca

2018-06-04

1 mion.

Bu chòir do chlann cho òg ri 12 a bhith comasach air gnè atharrachadh air an teisteanas breith aca gun taic phàrant, a-rèir Coimiseanair Cloinne is Òigridh na h-Alba.

Ann am freagairt do cho-chomhairle Riaghaltas na h-Alba a thaobh ùrachadh laghan aithne gnè, thuirt Bruce Adamson gum bu choir do dh’òigridh a bhith comasach air gnè atharrachadh air an teisteanas breith aca gun taic phàrant mura h-eil iad ag aithneachadh leis an gnè bith-eòlasach aca.

Thuirt e gum biodh e “mì-reusanta nan robh cead phàrantan a dhìth airson aithneachadh laghail dhen atharrachadh nan robh am pàiste comasach air atharrachadh às aonais.”

Cuideachd a-rèir Mgr Adamson bhiodh e na bhriseadh dhen Co-chruinneachadh UN airson Còirichean Cloinne mura robh clann tar-ghnèitheach comasach air aithneachadh laghail fhaighinn.

Thuirt Eaglais Shaor na h-Alba gum biodh gluasad sam bith gus leigeil le clann fo aois 16 a bhith a’ faighinn aithne laghail air atharrachadh gnè mì-chùramach, gum biodh e na mhòr-dhragh ann an iomadh teaghlach agus gum biodh deugairean so-leònta a’ faireachdainn troimh-chèile mu a dheidhinn.

Thuirt Riaghaltas na h-Alba gun robh e a’ dèanamh sgrùdadh air freagairtean na co-chomhairle.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.