A' toirt thugaibh na naidheachdan LGDT+ as ùire

Daoine LCDT a’ togail casaid ann an California

2008-11-14

1 mion.

Tha daoine LCDT air a bhith a’ caismeachd air sràidean Chalifornia agus iad a’ togail casaid as dèidh buaidhe Proposition 8.

Tha na caismeachdan air a bhith sìtheil ged a bha iad deònach agus gun chead.

‘S e daoine àbhaisteach a tha gan cur air chois tro làraichean-lìn a leithid Facebook.

Bha iad a’ caismeachd anns an dà chuid bailtean beaga agus bailtean mòra agus bha 20,000 daoine an sàs uile gu lèir.

Ann an Los Angeles, bha Teampall nam Mormonaich agus a’ Chathair-eaglais Chaitligeach cinn-siubhail nan caismeachdan.

Cuideachd aig deireadh na seachdaine, thuirt an Riaghladair Arnold Schwarzenegger gun robh e mì-fhortanach gun do bhuaidh Proposition 8, agus gun robh e dòchasach gum bi Àrd-Chuirt California ga cur às. Chuir Schwarzenegger fhèin bheto air pòsadh aon-sheòrsach nuair a bhòt Assembly na Stàite air a shon.

Anns an LA Times an-diugh, tha leasbach dhubh a’ mìneachadh carson nach do chuir i taic làidir do “No on 8”: http://www.latimes.com/news/opinion/la-oe-cannick8-2008nov08,0,3295255.story. Bhòt 2/3 na daoine dubha airson Proposition 8.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.