A' toirt thugaibh na naidheachdan LGDT+ as ùire

Ceannard LCDT ga mhurt ann am Baghdad

2008-09-26

1 mion.

Chaidh ceannard LCDT a mhurt ann am Baghdad, Ioràc an-dè.

Tha an gnìomhaiche LCDT, Peter Tatchell, ag aithris gun deach Bashar, 27, a spreidheadh le peilearan nuair a bhrìs milisi a-steach dhan bhùth-borbair far an robh e.

Bha Bashar na oileanach a chur taighean sàbhailte air dòigh dha dhaoine LCDT ann am Baghdad a tha air an sealg agus am marbhadh le milisidhean.

Thuirt Mgr Tatchell gur e “daoine òg coibhneil, fialaidh agus gaisgeil a bh’ ann – fìor ghaisgeach a chuir a bheatha air an loidhne gus beatha dhaoine eile a shàbhaladh”.

Tha aithris a chaidh a dh’fhoillseachadh ann an 2007 leis an UN a’ cur cudrom air ionnsaighean far am bi milisidhean, fo smachd clèirich, a’ toirt daoine LCDT gu cùirt agus an uair sin gan cur gu bàs.

Ged nach eil co-sheòrsachd mì-laghail ann an Ioràc, tha tòrr laghan ann airson bacadh a chur air daoine LCDT a leithid laghan an aghaidh màirnealachd, mì-chuibheasachd, agus sgaoileadh de thinneasan.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.