A' toirt thugaibh na naidheachdan LGDT+ as ùire

Càraid leasbach làn-thoilichte le ceathrar san aon bhreith

2008-03-14

1 mion.

Tha càraid leasbach a tha ag obair airson Roinn Poileas Irvine ann an Siorrachd Orains, California làn-thoilichte le ceathrar san aon bhreith, dithis bhalach agus dithis nighean.

Dh’fhàs Cristine Gaiennie, 39, agus Patsy Lovell, 45, trom an dèidh seachd oidhirpean mì-soirbheachail. Tha balach aca mar thà leis an aon tabhartaiche-shìl.

Rugadh Braydan James air an 3mh den Mhàrt, air a leantainn le Avery Renee, Landan Paul agus mu dheireadh Addison Jo agus bidh iad a’ fuireach san ospadal fhad ’s a tha iad a’ fàs nas làidire.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.