A' toirt thugaibh na naidheachdan LGDT+ as ùire

Buidheann LCDT Grèigeach air beàrn a lorg ann an laghan pòsaidh

2008-03-14

1 mion.

Tha buidheann LCDT anns a’ Ghrèig (OLKE) a’ bagairt ùghdarrasan ionadail a thoirt gu lagh  air sgàth ’s nach eil iad deònach càraidean co-sheòrsach a phòsadh ged a lagan pòsaidh a’ mìneachadh pòsadh mar aonadh eadar daoine an àite duine agus bean.

Tha OLKE airson am beàrn seo a chur gu feum gus pòsaidhean aon-sheòrsach a chumail.

Bidh Riaghaltas na Grèige a’ toirt còirichean ùra gu càraidean nach eil pòsta a dh’aithghearr ach chan eil e cinnteach ma bhios na coirichean seo a’ toirt a-steach càraidean co-sheòrsach.

Thuirt neach-labhairt airson OLKE:

“Mura faigh sinn cead bho na h-ùghdarrasan ionadail, bidh sinn gan toirt ri lagh.”

“Cha bu chòir bacadh a bhith oirnn.”

“Tha an lagh a’ toirt iomradh air “daoine” an àite “duine agus bean”. ‘S mar sin bidh sinn a’ dol air adhart mar nach eil bacadh oirnn.”

Ged a tha a’ Ghrèig na ball anns a t-Aonadh Eòrpach, chan eil a’ choimhearsnachd LCDT a’ faighinn a’ mhòr-chuid dhe na còirichean ’s a bhios iad anns na stàitean Eòrpach eile, mar eisimpleir aois aontaidh co-ionannachd.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.